目利きの銀次 (已結業)

尋晚去左世貿中心濕平同食晚飯，去左朋友推介嘅一間日本沖繩，聽講喺沖繩都好出名吓。上到去個裝飾都幾日本Feel，又望到維港，環境唔錯，坐低見隔離成枱日本男女(都幾嘈吓，可能飲左好多sake嘅呢。因為第一次去所以聽待應介紹，叫左招牌菜有海膽汁燒蠔，明太子捲玉子，串燒試試先，果然無介紹錯，尤其燒蠔真係必食之選。之後再叫左特選壽司，有架仔師傅手握，新鮮又好味道嘅呢。未食夠跟住問侍應仲有冇乜好野介紹，佢話燒魚都可以試，有多款鮮魚可以揀，約$200到$980一條，Cheap精上身所以叫左條伊佐目，承惠$250，好食價錢不算貴。甜品紅豆餅即整，都OK但要等，食完2人埋單$700,下次可以約一大班朋友再去，叫D其他未試踲野食。