Backyard (已結業)

估唔到大連排道傳統工業區會有甲級商廈，响商廈裡面有間走中檔路線的西餐廳。黎到已經1點半, 但可能係星期五的關係, D枱開始埋單但未走, 所以要等一陣先入到去。餐廳裝修有少少raw的味道。午餐係食SET的, 有5種選擇, 但想食的韓式RIB已經賣囇, 咁就要咗雞扒。餐湯有2款選擇, 我要咗雜菜湯。個人認為湯最緊要熱, 呢到的湯上枱時熱度十足。望落去真材實料, 唔似有D地方稀LUNG LUNG咁淡茂茂。飲落去每一啖都有啖啖雜菜, 感覺良好!到主菜雞扒上塲啦, 賣相擺碟非常討好, 配菜有薯仔黃瓜粟米仔等等份量十足。本以為雞扒無乜驚喜, 但這雞扒很入味而且唔鞋, 雞肉滑得黎仲好爽口, 仲雞有雞味添!  食完之後終於明白點解1點半都仲要等位仲要D item 售罄。