聰少甜品 (已結業)

今日係Happy Friday，入咗屯門探好姐妹，食完飯我哋去咗聰少到買甜品返屋企食，可以一路食甜品，一路睇使徒行者2，我們叫咗2碗榴槤水晶珠，1碗龍眼椰果冰，之後加12元可以有一碗椰汁椰果西米露，整體上好大碗。榴槤水晶珠，成碗都係榴槤冰，所以好抵食，仲有爽口嘅水晶珠，好正。龍眼椰果冰有好清新嘅龍眼冰，仲有椰果和水晶珠做配料。椰汁椰果西米露，12元真係超抵食，好香濃椰汁味，椰果好煙韌，西米都好有口感。佢外賣仲有8折，真係超抵食。