囍點 (已結業)

是日星期五，同同事們一齊出黎「囍點」食飯。「囍點」位於鰂魚涌同太古兩個站之間，交通非常方便。呢到每一個「午市精選套餐」都係68蚊，有飯/麵，湯，同埋糖水。餐廳以無味精同健康做賣點，多款家常小炒同老火湯，最適合上班一族同無飯夫婦。今日我叫左既係「鮑魚雞粒蒸籠仔飯」，落左單好快就有靚湯飲啦。是日靚湯係蓮藕栗子紅蘿蔔煲西施骨，飲落味道好好，無咩味精，似係屋企飲到果D。鮑魚雞粒蒸籠仔飯:賣相非常吸引既籠仔飯，充滿住鮑魚同雞粒既香味，亦都吸收好多醬油既味道，味道一流。甜品係豆腐花，豆味好濃，又香又滑，唔洗加糖食都得，味道天然唔錯。