Mini Friday (The Wave)

營業中

休息中

上次食咪走雞果陣時發現原來同層仲有一間所屬同集團嘅西餐廳。裝修一流同見到Menu上嘅菜式好似唔錯,所以就已經Mark低左如果有機會就要試下。上枱已經見到賣相非常吸引,酥皮包住粉紅色嘅牛柳,酥皮厚度適中焗得香酥,牛柳亦夠juicy,再加上酥皮同牛柳之間嘅黑松露蘑菇醬非常之惹味,即使吾洗額外點醬都已經好味。每條意粉都沾上烏卒卒嘅墨汁,但食落充滿鹹香嘅鮮味,意粉裏面仲有幾隻墨魚仔但略嫌有D太生。炸軟殼蟹炸得香脆鬆化香脆,但中間仍然有D蟹肉,相當滋味。炸得香脆又邪惡至極嘅炸芝士外皮包滿麵包糠,而裏面嘅芝士拉線效果極佳,可以拉到好長都吾斷。係一碟需要趁熱食又非常之正但充滿邪惡感嘅小食。