The Pantry (已結業)

噚晚同成班舊同事飲野， 其中一個話今日上午唔使返工喎，我即刻約佢今日lunch啦， 順便傾下來年有咩大計嘛。因為我下午係圓方有meeting, 所以我就約佢嚟呢間餐廳。我地兩個都點lunch set。佢lunch set選擇多， 一時都花多眼亂，最後我決定試佢嘅炸雞waffle配蜜糖芥末醬汁，而朋友就揀左蕃茄鮮蝦羅勒mascarpone芝士意大利粉。餐湯係磨菇忌廉湯， 磨菇味濃，食到粒粒磨菇碎， 加左少許忌廉，所以特別滑， 不過我覺得唔加仲好。朋友嘅意粉先上， 份量都幾大喎，蕃茄芝士味幾濃， 鮮蝦好多，質地爽脆，因為加左羅勒，所以意粉有好清新嘅香氣。我份炸雞waffle賣相好得，炸雞好大塊，炸得金黃但唔油， 底下有兩大片waffle。炸雞肉質鮮嫩，澆上帶甜味嘅芥末醬好好味。waffle牛油味香, 加埋炸雞一起食最夾。飲品我地要左berries smoothies, 天氣潮濕，飲冰涼微酸但果味清香嘅smoothies就最爽喇。