影片
更多
2019-03-08
8218 瀏覽
豬年開年飯，無奶油唔食中菜，朋友想試下呢間，就齊人四個飯腳去試！原先想去尖沙咀果間但點知一早就FULL左，所以唯有去中環呢間。訂左19︰30準時到，都要等15分鐘，而且重要好爆，一出lift已經企滿晒人，真係好好生意！終於有枱，確實星期五咁爆場，lift口重有人等緊位（已經差不多八點），我相信食物質素係有番咁上下，朋友見到好多必叫食物，好快就點左以下嘅點心。奶黃流沙飽，淨係睇佢外表就知贏左。我地係估用竹炭做包，塗上金色色素，而熱辣辣一咬，唔使講入面嘅奶黃實流晒出來，好味，而仔細去睇，重見到蛋黃蓉係汁入面，唔太甜，好食！之後就係荷葉飯，係出面食只會覺得蒸得過左火，飯太淋，或者蒸到D餸好感，或者飯無荷葉味，呢個飯不但好入味，飯嘅軟度岩岩好，料好足，份量又岩四人share，最緊要係重有荷葉少少清香，再贏多一次！乳鴿，本人唔太喜歡食，但朋友話一人一件，試下呢度嘅出名美食，好啦！估唔到，佢肉鮮皮脆，無話出面食到，係炸左好耐，你叫先叮番熱俾你，所以難怪佢繼奶黃色同荷葉飯，另一出名之作。苦瓜有幾多人鍾意食？本人就大愛，所以呢個咸蛋黃炸苦瓜就好鍾意。如果苦瓜嘅苦味有得揀級數，我想揀最苦果級！炒腸粉，D
原先想去尖沙咀果間但點知一早就FULL左，所以唯有去中環呢間。訂左19︰30準時到，都要等15分鐘，而且重要好爆，一出lift已經企滿晒人，真係好好生意！
終於有枱，確實星期五咁爆場，lift口重有人等緊位（已經差不多八點），我相信食物質素係有番咁上下，朋友見到好多必叫食物，好快就點左以下嘅點心。
奶黃流沙飽，淨係睇佢外表就知贏左。我地係估用竹炭做包，塗上金色色素，而熱辣辣一咬，唔使講入面嘅奶黃實流晒出來，好味，而仔細去睇，重見到蛋黃蓉係汁入面，唔太甜，好食！
之後就係荷葉飯，係出面食只會覺得蒸得過左火，飯太淋，或者蒸到D餸好感，或者飯無荷葉味，呢個飯不但好入味，飯嘅軟度岩岩好，料好足，份量又岩四人share，最緊要係重有荷葉少少清香，再贏多一次！
乳鴿，本人唔太喜歡食，但朋友話一人一件，試下呢度嘅出名美食，好啦！估唔到，佢肉鮮皮脆，無話出面食到，係炸左好耐，你叫先叮番熱俾你，所以難怪佢繼奶黃色同荷葉飯，另一出名之作。
苦瓜有幾多人鍾意食？本人就大愛，所以呢個咸蛋黃炸苦瓜就好鍾意。如果苦瓜嘅苦味有得揀級數，我想揀最苦果級！
炒腸粉，D蝦好彈牙新鮮，鼓油炒唔太咸，亦食得出樣樣野係新鮮煮，推薦！
第一round食完，後加蝦多士同個豬包，蝦多士係脆，都好食，但普通D。而豬包就同menu個樣有差別，對眼無咁大架！（哈哈）入面紫薯蓉都特別，作甜品，都ok。
服務方面真係有參差，可能星期五又爆場關係，所以都好忙。有機會再去就想試其他美食！
72 瀏覽
0 讚好
0 留言
42 瀏覽
0 讚好
0 留言
41 瀏覽
0 讚好
0 留言
44 瀏覽
0 讚好
0 留言
41 瀏覽
0 讚好
0 留言
34 瀏覽
0 讚好
0 留言
24 瀏覽
0 讚好
0 留言
張貼
