葵花堡 (已結業)

Apple Yogurt味道相當清新，有豐富嘅蘋果味道，加上適量嘅Yogurt, 係夏天必備嘅飲品。炸物同樣出色，洋蔥圈炸得金黃香脆，香味十足，品嚐到脆口嘅外皮，同埋爽甜嘅洋蔥。而三味雞翼同樣滋味，黃金雞翼夠晒香口，食到嫩嫩嘅雞肉同埋豐富嘅肉汁。瑞士雞翼調味適中，香草亦賣相精緻，香味盛濃。而厚切豬扒漢堡亦極之豐富，芝士呈半溶狀態，極具邪惡感XD 豬扒亦夠厚身，質感亦夠結實，啱晒愛肉之人，將豐富嘅餡料夾在烤熱脆身嘅漢堡包之中，夠晒滿足！！