Butlery

營業中

休息中

今日約咗朋友嚟沙田新城市廣場行街街購物，想搵間靚靚打卡餐廳，同朋友慢慢坐，傾吓偈，影吓相，舒舒服服咁食個晚餐。嚟到呢間餐廳，見到餐牌好多小食，份量唔算好大，好適合女士，可以揀多個款式，一齊分享嚟食。女士注重健康，首先揀一個「烤雞沙律」，沙律菜非常新鮮、入口爽脆。除此之外，精美嘅飲品都非常吸引，我揀咗一杯「士多啤梨奶昔」，好適合打卡用，大大杯，好濃奶味。接着，我朋友鍾意食鵝肝，所以揀咗一份「鵝肝牛扒漢堡」，鵝肝好香滑，做到外脆內軟。漢堡包原來冇任何配菜，於是我就揀一份「炸薯條配芝士醬」作為配菜。女士們食飽飽第一個胃，一定要食甜品去填飽第二個胃，我哋揀咗一份「士多啤梨朱古力疏乎厘pancake 」 分享嚟食，pancake唔算太甜，軟滑到會震嘅疏乎厘pancake，超好食。