常樂素食 (已結業)

今晚約左近期愛上食素既友人黎到銅鑼灣既常樂素食試下。餐廳位置離地鐵站不遠，頗方便的。晚上7:30來到，已有幾枱客，環境偏清靜，配合素食靜心的主題。看看餐牌，有不同類型的前菜、小菜、粉麵飯和甜品，款式算多，樣樣都想試😛😛我們點了兩款小菜和一個飯：首先是這個鴻運當頭。炸素雞香脆可口，不算好油，雖然有d熱氣，但鐘意食炸野既我即刻清左大半碟！第二道小菜是三杯猴頭菇煲。我同友人都好鍾意食菇菌類，今次個菇煲就岩哂我地，雖然面頭比三色椒搶左鏡，但其實猴頭菇炒得好入味，岩哂送飯！最後是欖菜素火腿炒飯。份量比想像中大碟，欖菜炒飯愈食愈開胃，調味剛好，不會太咸。推介！