Tequila Jack's

營業中

休息中

星期五晚Happy hour 去食墨西哥小食，地點都算容易找，整條街充滿酒吧，小店外面既有高椅圓桌係外面比人飲番兩杯，餐廳內仲有舒適座位品嘗美食。一坐低已經有啤酒妹sell你飲嘉士伯啤酒，$50一杯。仲有粟米片送，一張桌一份，配酒食更是一流。我地同行有幾位都叫了一杯Frozen Margarita （$68）。本身對於Tequila一般般既我因為呢間餐廳既名而叫左一杯試試。呢杯係士多啤梨味，一入口有點藥水味但飲落習慣了都唔錯，酒味唔會太濃，適合女生飲。如果唔想太藥水味，芒果味都可以芝士薯波（$60）上碟熱辣辣，即時炸起，內層芝士未有想像中咁香，可能因為外層醬料味道較濃而未能帶出芝士味。反而入口能食到一粒粒細小軟熟薯粒，外層酥脆而內層薯仔口感相當佳。芝士雞薄餅一般，餅底為薄片而面層toppings 豐富，仲有好多芝士。不過上面既toppings可能太熱令下面個餅底軟化了，整體個口感麻麻地。拎上手亦怕上層食物丟落，需要注意。不過份量恰當，以$120來說有飽腹感還算可以。