U IZAKAYA (已結業)

前菜醬汁用沙甸魚、多春魚、牛奶同蒜蓉製成，青瓜、紅蘿蔔同梨切成長條型，蘸上特製醬汁，味道幾特別。$98 Happy Hour 包括自選串燒4款同啤酒或飲品1杯，自選串燒種類包括有羊類、牛類、豬類、雞類同蔬菜類。我就揀咗新疆風羊西冷、蒜香橫隔肌、雞軟骨同雞頸肉。串燒控制火喉得宜，新疆風羊西冷辣辣地幾惹味，蒜香橫隔肌鋪滿蒜蓉同蔥粒，蒜香味直逼味蕾。雞頸肉入口軟嫩多汁，一吃便愛上。海鮮茶碗蒸茶碗蒸配三件魚肉，雞蛋入口順滑，蛋味濃郁。