影片
更多
2023-09-02
38 瀏覽
上次嚟完西環食好西之後，今日係食過返尋味，所以又嚟咗呢頭搵嘢食。上次試咗嗰間居酒屋幾好食，今日試過第二間。入到去個環境都係差唔多，都係好日式風格。呢一間一坐低佢就會俾個小食前菜你，係超爽脆嘅日本蘿蔔，佢個白蘿蔔就咁食落去，仲有浸鮮甜味添，唔點佢準備俾你嘅麵豉醬都好好味。然後我哋叫咗個醋汁蕃茄，佢個蕃茄做得幾好。呢一個小食雖然食材好平，但係工序繁複，佢要去晒蕃茄衣之後，再將佢浸到入晒味，酸酸甜甜，好醒胃㗎。另外我哋仲叫咗個芝士酒盜，佢呢個芝士都幾好食，可以中和左醃製魚內臟嘅鹹味。再加埋脆脆嘅梳打餅，又真係酒精嘅盜賊喎。我哋揀咗燒牛舌心，佢呢個牛舌都幾好食，不過略嫌佢燒得唔夠乾身，比較油，但係口感食落去係爽脆嘅。另一個係大蔥雞肉，佢個雞肉好嫩滑，再加埋日式大蔥嘅爽，呢個配搭幾好下酒。然後就係我最鍾意嘅燒白鱔，燒白鱔最重要就係燒到塊皮脆卜卜，但係魚嘅肉汁就鎖晒喺入邊，再加埋爽彈嘅魚肉口感，只有白鱔先至俾到你。平時明太子雞翼就食得多，呢度竟然有鵝肝釀雞翼，成隻雞翼脹卜卜。一咬開大大嚿鵝肝喺中間，仲好香鵝肝味添。最後叫咗串燒日式甜薯，日本嘅番薯真係特別好味㗎喎。
上次試咗嗰間居酒屋幾好食，今日試過第二間。入到去個環境都係差唔多，都係好日式風格。
呢一間一坐低佢就會俾個小食前菜你，係超爽脆嘅日本蘿蔔，佢個白蘿蔔就咁食落去，仲有浸鮮甜味添，唔點佢準備俾你嘅麵豉醬都好好味。
然後我哋叫咗個醋汁蕃茄，佢個蕃茄做得幾好。呢一個小食雖然食材好平，但係工序繁複，佢要去晒蕃茄衣之後，再將佢浸到入晒味，酸酸甜甜，好醒胃㗎。
另外我哋仲叫咗個芝士酒盜，佢呢個芝士都幾好食，可以中和左醃製魚內臟嘅鹹味。
再加埋脆脆嘅梳打餅，又真係酒精嘅盜賊喎。
我哋揀咗燒牛舌心，佢呢個牛舌都幾好食，不過略嫌佢燒得唔夠乾身，比較油，但係口感食落去係爽脆嘅。
另一個係大蔥雞肉，佢個雞肉好嫩滑，再加埋日式大蔥嘅爽，呢個配搭幾好下酒。
然後就係我最鍾意嘅燒白鱔，燒白鱔最重要就係燒到塊皮脆卜卜，但係魚嘅肉汁就鎖晒喺入邊，再加埋爽彈嘅魚肉口感，只有白鱔先至俾到你。
平時明太子雞翼就食得多，呢度竟然有鵝肝釀雞翼，成隻雞翼脹卜卜。
一咬開大大嚿鵝肝喺中間，仲好香鵝肝味添。
最後叫咗串燒日式甜薯，日本嘅番薯真係特別好味㗎喎。
張貼
