WOFT (已結業)

記得好耐之前係哩度食過個棉花糖朱古力批, 今次經過見到佢仲係度! 仲有做happy hour, 佈置好似都唔同左, 就黎食番個回憶。🎀Happy Hour 星期一至日 5:30-8:00 pm 🎀1. 所有飲品一律特價$48/杯🍺2. 惠顧任何正價飲品一杯，即可以$10 加購生蠔一隻🦪星期五晚滿座氣氛熱鬧, 連門口個兩張枱都full埋。happy hour $48 蚊杯堅抵, cocktail仲係大大杯, 叫左杯🍹Ball & Law🍹佢個樣好似流緊汗咁好攪笑, 同出面好熱既天氣十分match😝菠蘿汁溝vodka, 我覺得酒味都幾重! 但係用黎送D香口小食一流, 叫左脆炸椒鹽燒賣同埋炸魚手指, 一粒燒賣一啖酒, 爽呀。另外仲叫左份肉眼扒, 塊扒煎得好靚切開好鮮嫩, 仲有配搭既蘑菇汁都整得好好, 似係自家製, 蘑菇味好香濃仲有菇碎係入面。野菜都輕輕烤香左, 一D都唔hea。