Lulu (已易手) 新餐廳

約左同事happy hour，係尖沙咀有好多選擇，今次揀左去河內道LuLu，比起諾士佛臺同赫德道相對靜少少。 LuLu既裝修充滿東南亞感覺，空間感亦不俗。先叫左杯德國beer同炸魷魚鬚吹陣水。 同事發板叫左三樣野，包括芝士煙肉意粉、pizza同炸豬手。先上芝士煙肉意粉，好香既芝士味但一d都唔漏唔over，意粉軟硬道適中，加埋咸咸地既煙肉有d咬口，幾好食。再黎係上pizza，薄身脆邊，熱辣辣好香口，不過茄汁比較多，有d搶左配料既味道，但份量適中，三個人食都唔會好頂胃。 最後係炸豬手，因為製作雖時，食完其他等多三四個字先上，個賣相好吸引，炸豬手大大份配埋薯角，最岩配啤酒。肉好香，淡淡既咸味食多多都唔會好口乾，不過個皮就得個面有少少脆，底都係林林地，唔似德國餐廳果種成舊脆卜卜，配埋酸瓜好快就清曬。 一人飲左三杯啤酒，加埋四樣野食賣單一千左右。