鳥羽名古屋料理 (已結業)

Round one Happy hour後，朋友們提意到日式屋酒屋食串燒和飲sake繼續round two。今次去嘅餐出名食名古屋雞翼。名古屋鳥羽體積比較細，方便整隻放入口食。做法也跟一般嘅燒雞翼唔同，會比較乾身，咁樣雞皮先會脆，佐酒一流！此店的雞翼也具備這兩大特色～之前試過世界之山哥，鳥羽名古屋料理的雞翼分別在於除咗有獨特選用的調味粉外，還多塗了燒汁，口㥻沒有咁乾。 其他串燒也算出色，特別值得一讚嘅係什錦雞肉棒串。免治雞肉棒根身已經做得好好食，好有肉汁，又有脆輕骨非常好口感～餐廳更為此配以六款不同醬汁，令味道更加豐富，賣相幾靚。六款味道分別有：八丁味噌，麥粒味噌，大蔥納豆，明太子沙律，蛋黃醬汁和日式燒餅汁。 本人特別喜歡大蔥納豆，納豆食落沒有了濃濃嘅發酵味，配上萬能蔥花，提升了免治雞肉嘅味道又健康。還有蛋黃醬汁，雞肉棒沾滿燒汁加上生蛋漿一齊食，口感好滑，又唔會過咸過濃，好味～