小城鎮 (已結業)

Little Town 小城鎮Blue Monday要食好西開心下， 吃貨buddy 介紹呢間北角隱世意式西餐廳，環境舒服有情調。款式都多， 仲可以跟餐有餐湯或沙律，連飲品同甜品。羅宋酥皮湯🍲好少餐廳有酥皮湯， 陣陣牛油香，羅宋湯有紅蘿蔔同牛腩一齊熬，微酸開胃。忌廉黑菌牛柳粒🥩奶香味重既香菌忌廉汁配嫩滑牛柳，肉質一啲都唔靭。墨汁海鮮意粉🍝有蒜蓉炒香意粉，加上墨魚汁鮮味，誠意之作， 海鮮仲有青口、墨魚、蜆同蝦。慢煮羊腿配薯蓉🐏肉質嫩滑juicy, 唔鍾意食羊臊味嘅我啱晒，醬汁有香濃洋蔥味，配菜都唔馬虎，連薯蓉一齊食仲有牛油香。餐飲叫左杯熱朱古力，好有心機咁拉左花， 加咗好多奶，味道唔錯。而甜品係藍莓芝士餅同忌廉朱古力餅，賣相都幾好同唔太甜。