To-Gather Cafe (已結業)

星期三晚上，大家相約係旺角悶悶地， 想搵個地方大家可以坐低傾下計食下嘢。去樓上cafe就冇錯㗎喇😉😉😉，呢一間cafe位於金雞廣場，電梯一出就見到㗎啦。Cafe比較的骰，但係五臟俱全有，一啲波game大富翁等可以畀客人一邊食一邊玩。我哋四個人點咗一個party set套餐包括一啲小食，兩個主菜，兩款飲品頭盤就係日式芝麻醬田園沙律， 沙律入面有生菜青瓜蕃茄冰菜等等，上面佈滿咗最鍾意嘅芝麻醬，芝麻醬好惹味越食越開胃，沙律份量都算多四個人一齊食岩岩好。小食拼盤佢就每一個月都會轉嘅，今次食就包括: 薯格,咖哩角, 春捲同埋 招牌鹽焗雞. 呢個小食就應該係即叫即整嘅送上嚟嘅時候係熱辣辣㗎😆😆😆仲有個 日式餃子， 餃子皮薄容易入口， 而且餡比較多，唔會畀人淨係食到皮多個餡。主食方面嗌咗一個香草白汁雞皇飯同 肉醬意粉個雞皇飯真係落足料，啲白汁真係滿曬㗎， 送上嚟嘅時候熱辣辣，再撈埋一齊係每一粒飯都會有白汁😆😆😆至於個肉醬意粉就比較普通 不過都係落足料嘅肉酱好多但係麵條嘅軟硬度就比較 硬嘢飲方便買咗個芒亨同埋巨峰提子整體嚟講其實一班人可以一齊出嚟食飯傾計已經好難得，呢間cafe就啱啱畀到大家一個歇腳點