影片
更多
2023-02-21
735 瀏覽
雖然老夫老妻不過情人節點都要同老婆大人食餐飯慶祝吓嘅，如果唔係之後就冇好日子過㗎喇嘿嘿！老婆大人食嘢都好有要求咁梗係搵緊佢鍾意又穩陣嘅餐廳啦，去帝京酒店嘅KOUDA香田日式料理就肯定冇甩拖。今次嚟到見門口放咗一個許願打卡位，背後還暗藏咗仿茶藝室嘅佈置，食完飯影返張相留念都唔錯喎。我哋就揀咗食限時買一送一優惠嘅春の會席饗宴(梅)，喱個套餐一共有成九道菜咁多包保可以食飽飽。餐廳喱日有正刺身介紹198蚊位，我對老婆大人就最大方㗎喇只要佢鍾意就嗌一人一份食啦，喱個刺身入面有14日熟成嘅大拖羅同埋唔係成日食到嘅星鰻苗。嚟自愛媛縣嘅星鰻苗外表潔白透亮，食落口感有啲似蒟蒻咁幾彈牙。熟成咗14日嘅大拖羅食落肉質細嫩滑溜，熟成過之後拖羅魚味更集中好濃郁。食咗份精彩嘅刺身之後我哋叫嘅春の會席饗宴(梅)第一味菜就嚟到喇！有個充滿意境嘅名叫做如月之鮮味，放喺好似個月亮嘅碟入面同個菜名襯到十足啊。首先食咗喱一個福岡番茄蜜糖漬梅酒啫喱，番茄用蜜糖醃製過食落去特別甜蜜，配襯咗酸酸地又香香地嘅梅酒啫喱味道好鬼清新。跟住食喱個叫做海老高野豆腐，喱個豆腐質地好似海綿咁樣，但係又有啲蝦嘅味道都幾過癮喎。最後喱個柔煮北海道章
老婆大人食嘢都好有要求咁梗係搵緊佢鍾意又穩陣嘅餐廳啦，去帝京酒店嘅KOUDA香田日式料理就肯定冇甩拖。
今次嚟到見門口放咗一個許願打卡位，背後還暗藏咗仿茶藝室嘅佈置，食完飯影返張相留念都唔錯喎。
我哋就揀咗食限時買一送一優惠嘅春の會席饗宴(梅)，喱個套餐一共有成九道菜咁多包保可以食飽飽。
餐廳喱日有正刺身介紹198蚊位，我對老婆大人就最大方㗎喇只要佢鍾意就嗌一人一份食啦，喱個刺身入面有14日熟成嘅大拖羅同埋唔係成日食到嘅星鰻苗。
嚟自愛媛縣嘅星鰻苗外表潔白透亮，食落口感有啲似蒟蒻咁幾彈牙。
熟成咗14日嘅大拖羅食落肉質細嫩滑溜，熟成過之後拖羅魚味更集中好濃郁。
食咗份精彩嘅刺身之後我哋叫嘅春の會席饗宴(梅)第一味菜就嚟到喇！有個充滿意境嘅名叫做如月之鮮味，放喺好似個月亮嘅碟入面同個菜名襯到十足啊。
首先食咗喱一個福岡番茄蜜糖漬梅酒啫喱，番茄用蜜糖醃製過食落去特別甜蜜，配襯咗酸酸地又香香地嘅梅酒啫喱味道好鬼清新。
跟住食喱個叫做海老高野豆腐，喱個豆腐質地好似海綿咁樣，但係又有啲蝦嘅味道都幾過癮喎。
最後喱個柔煮北海道章魚我勁鍾意！鮮甜多汁嘅章魚整得好有咬口仲唔會過靭，尤其係吸盤嗰個位食落去脆卜卜好鬼正。
跟住嚟喱個係旬之鮮味三點好鬼有仙氣出晒煙咁上枱，木盒入面有日本季節時生蠔令和の怪物，蠔身脹卜卜有好吸引人嘅外表，食落去邊位脆口身體綿綿咁味道好清鮮。
話明三點另外嗰兩點就係季節嘅時令刺身，喱晚係深海池魚同埋帆立貝。
軟綿綿嘅帆立貝夾住青檸仲有啲青檸皮，食落去味道清新得嚟仲好鬼鮮甜。
不嬲都鍾意食深海池魚見到有喺套餐入面我梗係開心到飛起啦！肥美充滿甘香鮮甜嘅魚味真係食極都唔厭。
跟住到食香口嘢喱舊係魔鬼魚臉頰肉，外層炸得好乾爽唔會油淋淋，入面嘅魚肉好實淨仲要係越食越有味嘅嗰種。
之後喱個咁靚仔嘅係帆立貝雲丹燒，用海膽嚟燒帆立貝嗰種鮮甜味我諗唔使我介紹喇掛。
係時候食肉喇喱個叫做八丁味噌燒黑豚，原來係茶美豚嘅腩肉睇落好似好肥咁，但係食落去又唔會一口油，個赤味噌仲令到豚肉好鬼香添。
食咗個邪惡嘅豚肉跟住食喱個菜就啱晒，北海道松葉蟹肉濃豆腐用嘅係阿蘇山水製作硬豆腐，豆味好香濃加埋爆多蟹肉嘅鮮味係好味道嘅。
喱個餐本身嘅主菜係老婆大人唔食嘅牛肉，但係可以另外加148蛟轉食立鱗燒甘鯛，老婆大人鬼咁識做仲醒咗少少比我食，魚鱗炸到脆卜卜魚肉一啲都唔鞋喱百幾蚊值得比呀。
至於我都唔蝕底將套餐本身嘅A4鹿兒島薩摩和牛壽喜燒，加咗148蚊升級嘆4%奇蹟之薩摩牛，細緻嘅大理石油花加上好似奶油咁香甜嘅肉質，配埋面頭一粒粒師傅自家製嘅芥末子，喱隻奇蹟之薩摩牛都幾好味。
食過主菜喱個時候飲啖熱辣辣嘅湯就最舒服，喱碗係茶美豚赤味噌湯入面有好多料，赤味噌湯飲落去味道好濃郁啱晒重口味嘅我。
最後嘅甜品就非常過癮竟然係醬油配雪糕，心諗豉油溝雪糕真係會好食嘅咩！
喱枝日本嘅川中醬油原來已經有百年歷史，聽師傅講好似香港冇得賣嘅添。
喱枝豉油有醬油嘅香味但係唔會好鹹，配埋雲呢拿雪糕鹹鹹甜甜咁，食落去味道又真係幾鬼夾夠特別喎。
香田日式料理
電話：26226167
地址：旺角太子道西193號帝京酒店1樓
張貼
