羅麥記 (奧海城2期) (已結業)

今日遲遲都未食晚餐，而家好多地方餐廳都好早閂門，奧海城睇完戲，好彩仲搵到羅麥記。已經是九時多，店內還有不少食客。好肚餓，迅速叫咗兩款食物，一個火爆，一個齋齋地。脆卜卜五素炒麵，配料豐富，包括肉豆、紅蘿蔔、草菇、本菇、芽菜等，老公最喜歡吃這款脆卜卜炒麵。點了個川味辣子雞客飯，包括一碗中式例湯及白飯，本身個餸份量都好大呢。雞件炸得香脆，四川麻辣好惹味，越食越辣越好味。忍唔住加錢要咗杯檸檬利賓納，解一解火爆的麻辣味道。