影片
更多
2020-11-10
2567 瀏覽
前陣子去咗位於新蒲崗的Mikiki，皆因呢一間商場可以帶埋愛犬一齊進入， 咁朋友就可以帶埋非常可愛兼痴身的「柴柴」 一齊出嚟食餐晚飯。千挑萬選， 揀咗呢一間位於餐廳外圍嘅德國餐廳《Das Bier》， 由於疫情已經成年幾冇去過旅行， 唯有靠美食去一解旅行癮， 就當去咗德國嘅啤酒節。餐廳雖然比較細， 但裝修都有少少德國風格，吊燈、木枱等格局都同德國餐廳好像樣。另外最讚嘅就當然係有戶外座位啦， 依家天氣涼涼地，坐戶外超舒服， 加上有少少燈飾，都幾有feel。前菜《煙三文魚拼凱撒沙律》， 令人意想不到份量係咁大碟。 凱撒沙律用上咗最新鮮而且翠綠嘅羅馬生菜， 加上點綴嘅洋蔥圈， 食起來增加咗清甜嘅感覺。 加上份量勁多嘅煙三文魚， 微微咸香令整個沙律更為誘人。 加上咗parmesan cheese以及麵包糠，令沙律嘅口感更為豐富。至於香腸就選擇咗亞洲fusion嘅《冬陰功、青咖哩香腸拼盤》。 第一次食冬陰功同青咖哩味嘅香腸， 一入口果然令人有驚喜， 充滿肉香，而且又有泰式風味。至於白色嘅就係牛肉腸， 外皮脆， 食落充滿肉汁， 可以慢慢品嘗到當中的香草香氣。 而家最鍾意就係點英式芥辣， 鍾意佢比較
千挑萬選， 揀咗呢一間位於餐廳外圍嘅德國餐廳《Das Bier》， 由於疫情已經成年幾冇去過旅行， 唯有靠美食去一解旅行癮， 就當去咗德國嘅啤酒節。
餐廳雖然比較細， 但裝修都有少少德國風格，吊燈、木枱等格局都同德國餐廳好像樣。
另外最讚嘅就當然係有戶外座位啦， 依家天氣涼涼地，坐戶外超舒服， 加上有少少燈飾，都幾有feel。
前菜《煙三文魚拼凱撒沙律》， 令人意想不到份量係咁大碟。 凱撒沙律用上咗最新鮮而且翠綠嘅羅馬生菜， 加上點綴嘅洋蔥圈， 食起來增加咗清甜嘅感覺。 加上份量勁多嘅煙三文魚， 微微咸香令整個沙律更為誘人。 加上咗parmesan cheese以及麵包糠，令沙律嘅口感更為豐富。
至於香腸就選擇咗亞洲fusion嘅《冬陰功、青咖哩香腸拼盤》。 第一次食冬陰功同青咖哩味嘅香腸， 一入口果然令人有驚喜， 充滿肉香，而且又有泰式風味。
至於白色嘅就係牛肉腸， 外皮脆， 食落充滿肉汁， 可以慢慢品嘗到當中的香草香氣。 而家最鍾意就係點英式芥辣， 鍾意佢比較攻鼻， 比較刺激。
另外香腸拼盤下面仲有大量的德國酸椰菜， 德國酸菜的酸度剛剛好， 食得太多香腸感覺比較油膩， 食啲酸味味嘅酸椰菜就可以中和一下。
總括嚟講， 餐廳食物質素相當高。另外，鍾意飲啤酒嘅朋友 可以試下個款德國啤酒，相信更有feel。
張貼
