Cafe 52 (已結業)

試過元朗cafe52，出品都不錯，無奈人比較多同擠迫。自己又唔係住元朗，想再去食不如就去佢葵涌分店啦。地點位於半山位置，好彩有揸車，唔係就有排行。上次食咗意粉，今次改一下口味食雞扒burger。漢堡包用上黑色的竹炭包，其實同普通漢堡包味道沒有分別，但賣相就比較出眾，唔打得都睇得啊。個雞扒煎得剛剛好，帶點香草味夠juicy又脆口，正呀。另外，不得不提跟個burger的粗身薯條，口感一流，同一般快餐的，不能相比。建議坐門口的戶外座位，秋涼微風輕吹，又寫意又舒服。