康姨咖啡室 (已搬遷) 新店位置

幫襯社企，一向都唔會有太大的期望，有驚喜當然好，無都唔會失望。去海防博物館行左個轉，3，4點左右想食D嘢，去到點餐，我個份意粉已經係最後一份，同埋見佢都幾full，生意不錯，嘢食應該都可以掛。個三文魚應該都返貨，但個意粉個質地幾爽身，份量一般，意粉雖然只微暖，但個卡邦尼嘅味道not bad.跟住轉個頭唸起得cheese cake有三款，但呢款得返一件，於是出返去買。佢嘅cheese cake唔錯，夠厚實同埋都算濃味，唔太甜，如想食下少少嘢都係唔錯選擇，但我個杯柚子蜜，一黎到，見到得3，4條柚子，淡到呢...真心孤寒左少少，如想hea下，食件cake自己斟杯水飲下仲理想。加上海旁迷人景色，行下睇下hea下一個下午，醫下肚，都不妨一試。