盈聚美食 (已結業)

疫情關係多咗去新界行吓，行山又怕辛苦，惟有去啲低B班嘅元朗紅磚屋，壁畫村。無意間發現响西鐵站附近有個地方幾優美(盈聚坊)，有小橋流水，有餐廳可以坐低食吓嘢、飲吓嘢、影吓相，勝在唔多人，戶外可以比狗狗坐，又可以吸煙。揀咗呢間餐廳食物都算多選擇，中、日合璧，食個拉麵，嘆杯凍飲，環境取勝啦，hea完行去西鐵站都唔使5分鐘，仲未攰可以順便行埋西鐵站則邊，仲有個週末市集，鍾意嘅可以幫親農民買啲新鮮菜返屋企。