漢和韓國料理

營業中

休息中

這是個老牌韓燒店，記得20年多前已係荃灣經常光顧了。近年網上評語都較負面，部份更會用垃圾來形容品質？今次跟幾位相識同樣超過20多年的老朋友聚舊，就專誠揀選了佐敦店。一分錢一分貨，如果要漢和（150蚊）跟酒店自助餐（500蚊）比併，當然輸一條街啦！佐敦漢和場地大、座位多、空間濶落，地方乾淨，冷氣夠凍，但廁所就差少少，招呼就睇人，其中有個似大媽的侍應就要扣分。我們刻意揀閒日午市幫襯，全場頂多10枱客，夠晒清靜，仲要12點Hea到4點，單單齋飲野吹水都值啦！仲想點。食物方面，一般韓燒食材囉！讚的是擺盤乾淨整齊，人少食客吾使搶，補貨都快。款式都有10多款。熟食（又10多款）、湯水（3款）和甜品（2-3款）和生果（2款）。推薦的包括薄牛肉、牛脷、尤魚鬚；湯有老水湯、海鮮辣湯和人參湯都各有人讚；生果就哈蜜瓜好甜；豆腐花和薑醋就必食。如果想跟朋友聚餐吹水，平平地坐返幾粒鐘，漢和是我的推介。