誇啦啦市集 (已結業)

早幾天來過一次，平平地Hea食左一個熱狗餐，好懷念切成八爪魚狀的香腸和芥辣的味道，成日好想試多次，於是又過來Hea一Hea!點知見門口換左新菜牌，將部份輕食餐改左重食餐，可能要滿足大食客人的需要!魚我就唔係咁好，所以最後我揀左個B餐，食濃湯牛肋肉燴飯。等左十分鐘，個熱飯就放響檯面，大小份量都適中。食落我覺得飯煮得較稔，硬返身些少我會口感些，但個汁就相當好味，係蕃茄底，但有好濃的牛肉味。問返老闆娘，佢話係佢秘製喎，湯底係用蕃茄牛尾湯做主打，再加上大量疏果洋，所以別有一種香甜味，真係唔錯!至於牛肋肉就眼見咁多，煮得幾軟身，入口好入味，食到我私底下問老闆娘可吾可以加飯加汁，佢話咪等於食多碟......!無如何，值得推介!另外我最喜歡呢度可以自助無限添飲即沖飲品，特別係那種馬來西亞拉奶茶，好好味，食完hea番半粒鐘上網，唔覺唔覺飲左三杯奶茶，充足電又開工，抵!!