影片
更多
2011-09-28
48 瀏覽
6月5日, 117週月快樂!訓到晏一晏, 午飯都冇食, 就係因為要嚟呢度high個tea! 喺中環高尚shopping mall之一嘅置地裏面, 唔駛估都知道呢度嘅tea有幾高水準~ 因為知道要排隊等入座, 我地2點9到達, 都已經有3-4枱人排我地前面, 安排入座前侍應會預先幫人客落單, 咁樣我地坐低咗一陣就有食物上枱~::: Croissant + Baguette au Bacon ::: $15 + $25叫咗個high tea set之餘,當然亦要試下出名嘅牛角酥啦~放喺度已經好香牛油味, 雖然的的骰骰, 但係已充分滿足味蕾! 十分香嘅牛油, 加埋鬆化香脆嘅外皮, 十分好味道~ 一口咬落仲唔會實的的成口麵包, 好有層次感~另外仲叫咗個煙肉麵包, 個賣相好似辮子咁好搞笑~ 搣開一粒粒嚟食, 質地比較實, 要用d力先可以咬開, 同喺法國食嗰d餐前麵包差唔多口感. 裏面嘅煙肉味道好濃, 所以整個包麵係鹹鹹地. 都係牛角包好食d~::: High Tea Set for 2 ::: $315食完餐前麵包, 就上我地叫咗嘅tea set~ 先介紹一下, 呢個set係分2 part上嘅,
訓到晏一晏, 午飯都冇食, 就係因為要嚟呢度high個tea! 喺中環高尚shopping mall之一嘅置地裏面, 唔駛估都知道呢度嘅tea有幾高水準~ 因為知道要排隊等入座, 我地2點9到達, 都已經有3-4枱人排我地前面, 安排入座前侍應會預先幫人客落單, 咁樣我地坐低咗一陣就有食物上枱~
::: Croissant + Baguette au Bacon ::: $15 + $25
叫咗個high tea set之餘,當然亦要試下出名嘅牛角酥啦~放喺度已經好香牛油味, 雖然的的骰骰, 但係已充分滿足味蕾! 十分香嘅牛油, 加埋鬆化香脆嘅外皮, 十分好味道~ 一口咬落仲唔會實的的成口麵包, 好有層次感~
另外仲叫咗個煙肉麵包, 個賣相好似辮子咁好搞笑~ 搣開一粒粒嚟食, 質地比較實, 要用d力先可以咬開, 同喺法國食嗰d餐前麵包差唔多口感. 裏面嘅煙肉味道好濃, 所以整個包麵係鹹鹹地. 都係牛角包好食d~
::: High Tea Set for 2 ::: $315
食完餐前麵包, 就上我地叫咗嘅tea set~ 先介紹一下, 呢個set係分2 part上嘅, 先上個鹹點, 有4款三文治加2款鬆餅.
4款三文治各有特色, 亦有唔同味道, 建議由淡到濃味每款逐一品嚐~ 吞拿魚蛋就比較淡味, 麵包鬆軟同吞拿魚呀蛋呢d好配合, 但吞拿魚味比較食唔出~ 三文魚味道比吞拿魚濃少少, 都食到少少煙薰過嘅味, 三文治中間有魚子醬, 更加添鮮味~ 火腿三文治都幾鹹, 亦都比較厚, 加埋芥辣就更濃味, 咁就食唔出三文治嘅質感同味道, 咬開火腿仲有少少筋… 而我地最欣賞嘅, 就係呢個龍蝦三文治, 龍蝦肉好鮮亦都好彈牙, 正!
2款鬆餅分別有檸檬同提子味, 附上忌廉同士多啤梨醬! 呢度d鬆餅就普通d喇, 因為個質地比較實, 唔似我地平時食開嘅鬆軟… 牛油味都好似唔係好夠, 唯有靠檸檬同提子味吊起番. 不過2隻醬就比較出色, 忌廉好夠杰, 士多啤利醬味道清甜有玫瑰花香仲有粒粒果肉, 自家製唔會好化學又唔會好酸~ 呢2隻醬幫個鬆餅挽回唔少分數~
侍應見我地差唔多食完鹹點, 就會上個甜點~ 有6款唔同嘅蛋糕, 賣相都好精緻, size就比較的骰~ 真係實有一款啱你口味! 但其實嚟到都唔知邊個打邊個… 每款味道都唔錯, 個人鐘意紅莓custard餅, 酸酸甜甜夠清新~ 同埋chocolate with pistachio mousse cake, creamy得嚟有濃濃朱古力味! mango cheese cake都唔錯~ cheesecake質地又輕又軟, 芝味清淡得宜唔會太膩~ 另外個custard cream puff味道都好, 但因為太細件食唔到個puff應有嘅鬆化感. 至於個 macaroon ganache就真係好靚, 不過呀菲麻麻地macaroon… petit fours就真係全部都偏甜, 甜到有d膩… 所以食完晒cake再飲杯咖啡就perfect!
我要咗杯cappuccino, 呀菲就要latte, 上枱已經好香濃, 仲有已經散散地嘅latte art添~ cappuccino啡味濃d, 唔太識品嚐咖啡但係啱我口味就得啦~ 呀菲杯latte就夠晒creamy, 質地好thick~ 慢慢嘆一流!
嘩真係夠晒hea~ 慢慢食慢慢飲傾下計, 成個tea食完已經5點幾, 咁我地係食得比較慢嘅, 又要影下相咁~ 不過呢度d人都好好咁, 唔會趕我地走, 只係覺得有時手腳太快啫… 咁爽嘅下午茶, 成日食就唔好喇, 忙裏偷閒又何嘗唔係一件好事呢?
張貼
