Rimi Cafe (已結業)

去過幾間樓上cafe，目前覺得Rimi整體感覺係最好。大部分人去樓上cafe都係想休閒娛樂吹下水…對食物嘅質素要求降低(至少我係咁😅)。在不抱任何期望底下，Rimi嘅食物都有俾到驚喜我。最鍾意係呢個意粉…望落個樣已經有加分，味道都好過好多餐廳👍🏾👍🏾野菌意大利飯就有啲鹹，不過都算足料，有好多菇類，啱曬我😋去過兩次都係食lunch，不過午餐嘅menu只有6個餐可以揀，選擇略為少咗啲。至於飲品，最鍾意係蜜桃烏龍茶，可以要求少甜㗎。咖啡都唔差，豬豬拉花都幾特別🐷食完飲完想打下機hea下，記得入座前向職員提出安排個可以叉電嘅位啦😉😉