影片
更多
2018-04-19
106 瀏覽
觀塘嘅工廈出名多餐廳同café，所以就同朋友去覓食。平時出街食野大多數都係食粉麵或者飯，今次就想食特別啲嘅野。 我哋搵到呢間有得食bagel，牛角包 burrito都好出名嘅小餐廳，賣點係麵包同蛋糕係自家製，飲品用上黑糖調製，感覺咁健康所以就決定入去食。我哋兩點半去到嗰陣時，依然係九成滿座，可見呢間餐廳喺呢區都出名。餐廳播著休閒嘅歌，我哋就坐住台式木櫈，感覺好舒服休閒。店員俾咗兩杯茶同menu，叫我哋慢慢睇。我同朋友分別叫左煙三文魚忌廉芝士同埋芝士辣牛肉bagel，兩個都有田園沙律跟。 另外我哋再加錢轉套餐，會有一個甜品同一杯飲品。朋友嘅煙三文魚忌廉芝士bagel~煙三文魚唔腥，忌廉芝士口感厚實，好滿足；芝士辣牛肉就好惹味，用上薄切牛，再加埋辣辣地嘅醬汁，唔錯！大家都知道bagel係比較有咬口嘅包，唔會好似其他包咁食空氣，而呢一個自家製嘅bagel都唔例外，另外再添加左一份健康喺入面，我同朋友都食得好放心。田園沙律好新鮮，唔係跟麻醬咁邪惡，而係配左少少嘅沙律醬但已經好夠，少咗份罪惡感。食到咁上下，店員就上咗兩杯飲品畀我哋。我哋兩個都嗌咗低脂岩鹽咖啡，一飲落去，我同朋友都係同一個反應，就
bagel，牛角包 burrito都好出名嘅小餐廳，賣點係麵包同蛋糕係自家製，飲品用上黑糖調製，感覺咁健康所以就決定入去食。我哋兩點半去到嗰陣時，依然係九成滿座，可見呢間餐廳喺呢區都出名。餐廳播著休閒嘅歌，我哋就坐住台式木櫈，感覺好舒服休閒。店員俾咗兩杯茶同menu，叫我哋慢慢睇。
我同朋友分別叫左煙三文魚忌廉芝士同埋芝士辣牛肉bagel，兩個都有田園沙律跟。 另外我哋再加錢轉套餐，會有一個甜品同一杯飲品。朋友嘅煙三文魚忌廉芝士bagel~
煙三文魚唔腥，忌廉芝士口感厚實，好滿足；
芝士辣牛肉就好惹味，用上薄切牛，再加埋辣辣地嘅醬汁，唔錯！大家都知道bagel係比較有咬口嘅包，唔會好似其他包咁食空氣，而呢一個自家製嘅bagel都唔例外，另外再添加左一份健康喺入面，我同朋友都食得好放心。田園沙律好新鮮，唔係跟麻醬咁邪惡，而係配左少少嘅沙律醬但已經好夠，少咗份罪惡感。食到咁上下，店員就上咗兩杯飲品畀我哋。
我哋兩個都嗌咗低脂岩鹽咖啡，一飲落去，我同朋友都係同一個反應，就係嘩咗一聲。苦苦地嘅咖啡，加上一層甜甜地嘅cream，再配有少少鹹味，不論層次 或者口感都好豐富。
而甜品係一個朱古力蛋糕，蛋糕都好幼滑，唔會過甜或膩。
張貼
