尼奧餐廳

營業中

休息中

長沙灣一帶好多時都會收收埋埋一啲低調而價廉物美嘅食店 豬小姐今次尼到新開張無耐嘅Neo F Cafe嘆個三點三無論日式嘅湯/炒拉麵烏冬 西式嘅意大利粉意大利飯 韓式嘅特色炒飯 甚至有香港茶記式三文治 尼度嘅tea set包羅萬有 任君選擇豬小姐點左西式嘅卡邦尼煙肉蘑菇扁意粉 亦可以揀長通粉嘅 豬先生就揀左韓式辣地獄海鮮炒飯隻碟大 但份量都唔小架 扁意粉上鋪滿芝士粉 加入小量香草令顏色更靚 蘑菇同煙肉都相當足料 但略嫌汁比較乾同唔夠多 同卡邦尼應有creamy嘅sauce有出入 調味方面亦都可以大膽啲重手啲相反尼款韓式海鮮炒飲就相當之夠味 仲好惹味添呀 軟硬適中嘅珍珠米用韓式辣醬去炒 辣辣地 食得好鬼過癮 加入洋蔥粒 青椒粒 蘿蔔粒增強口感 海鮮亦絕無欺場！有大大隻嘅蝦 青口等嘅配料 雖然未可以做到飯粒粒分明嘅效果 但炒飯都算有水準 如果加入埋kimchi 味道及口感上相信會更突出呢tea set仲會奉上餐飲 Neo F尼間食店性價比高 有機會一定會再尼十卜十卜！題外話：可能係新開張嘅關係 人手唔太足夠 樓面同廚房各一個人咋 見到佢地都好忙碌 希望快啲請多啲人幫幫手 無咁辛苦嘛 加油！