影片
更多
2014-07-15
2533 瀏覽
是日休假, 一家三口出動去西環探叔父, 午餐吃得早, 三點未到已經饑腸轆轆....Honey當然笑我誇張, 但佢話'早有準備'....未夠三點三就帶我來西環尋寶~ 祥香園食沙爹牛麵加凍鴛鴦!!!!!!! 吓? 我當下感激流涕大恩大德沒齒難忘! 皆因自從懷孕到生baby以後要餵人奶, 都很久、很久、很久、沒有喝過我愛的凍鴛鴦又或者凍咖啡, 我很自律其實沒人說不可以, 但一次也沒有破例! 但今天他竟然主動叫我柯打凍鴛, Honey叫到, 我當然盛情難卻呢!! 嘻-嘻, 多謝恩賜! 其實未踏入店前都有些驚驚哋的感覺, 因為曾經在OR見過食評話這兒侍應態度麻麻, 但很極端地又讀過幾篇說店老人情味濃...我怕的是不知這店會否不歡迎兩大1B的組合呢? 因為之前一次在九龍城德昌魚蛋河的非繁忙時間的不快經驗嚇怕了我. 唏~ "諗"~不如行動, 一於放開懷抱入去試試佢, Let's GO, go go go~首先, 午市繁忙時間已過, 而下午茶繁忙時段又未開始所以一入到去有小卡位, 剛好呢~ 當然不客氣自己坐低! 而掌櫃阿姐亦無要我哋轉位, 我已經好感激流涕, 多謝! 快快柯打
其實未踏入店前都有些驚驚哋的感覺, 因為曾經在OR見過食評話這兒侍應態度麻麻, 但很極端地又讀過幾篇說店老人情味濃...我怕的是不知這店會否不歡迎兩大1B的組合呢? 因為之前一次在九龍城德昌魚蛋河的非繁忙時間的不快經驗嚇怕了我. 唏~ "諗"~不如行動, 一於放開懷抱入去試試佢, Let's GO, go go go~
首先, 午市繁忙時間已過, 而下午茶繁忙時段又未開始所以一入到去有小卡位, 剛好呢~ 當然不客氣自己坐低! 而掌櫃阿姐亦無要我哋轉位, 我已經好感激流涕, 多謝! 快快柯打個餐有至愛的沙爹牛麵加凍央全部係近來的'禁品', 好開心呀! 好耐無食過~ 沙爹牛唔算好香但係水準中上, 牛肉無'嗱'到過龍, 麵仍Q, 不錯! 凍央唔算香濃但幾滑, 啡及茶好平均, 算不錯! 招呼不錯, 掌櫃阿姐很客氣服務一欄我俾4分!
[題外話係: 因為自從帶阿B出街用餐以來都經歷過唔少殷勤/亦有些惡劣非常兩極的招待, 差如九龍城德昌的亦有三數間, 但好的有很多, 日後慢慢寫番出來! 曾經試過有卡位的, 佢會因為你阿B是手抱不吃東西不計一個坐位而明明有卡位你已經坐落去都安排你轉坐四人方枱坐其中兩個位搭位枱, 懶理得你仲有一個大袋而且坐唔穩你貴客自理最好快啲走人......咁大家有眼見的, 通常帶手抱嬰兒出街一大袋B物品(包括尿片濕紙巾熱水壺奶粉隔奶咀奶樽一件替換衫仔口水肩唔少得) 論論盡盡我們都想盡量精簡但都執無可執, 再者, 用孭帶如果唔放低阿B咁自然再佔用多啲位, 係咪帶埋BB係罪呢? 有BB唔駛食? 當然如果BB勁喊唔收聲騷擾其他食客當事人濶佬懶理唔帶開佢出去兜個圈乞人憎係另一件事. 何況...一睇我身形都知我為食, 一個人食足兩個人份量你唔會做少一份生意, 帶住阿B本來就滾水淥腳食完趕住走, 反而好做啦! 唔駛驚我齋叫杯飲品坐你個卡位一粒鐘講電話打機睇文件情侶俏俏話馨馨我我唔願走噃....] 如果不歡迎攜帶BB進餐的, 應該在店外貼張紙明示有生意都唔做你咁大家明呀!!! 而唔係我入店開始你哋就歧視BB, 何況仲要係我咁肯合作的客人....我真係不吐不快!
今日的一餐很滿意, 久違了的凍鴛鴦, 我下次再嚟探你!
張貼
