RISE Kitchen (已結業)

今日天氣唔好，晏左起身出面個天黑過我塊面，好想食D好嘢，令到自己心情好啲，一於食個好味嘅brunch，一起身飲過芒果smoothes 感覺特別清新，另外呢杯碟豆花乳酪飲品，碟豆花對身體有益加埋乳酪味酸酸甜甜又幾好味喎。All day breakfast 之前已經食過，今日食過豪華版，除咗我好欣賞餐廳嘅法式麵包，因為佢呢度嘅麵包冇添加劑，每日新鮮製造，特別鬆軟同埋感覺食得特別健康，今次我食呢個麵包係栗子蓉麵包，食完覺得好好味，我即刻買咗一條返屋企食。豪華版最主要係多咗帶子同三文魚，帶子好厚身好大粒，味道鮮甜，點埋牛油果醬一齊食，非常好食，另外三文魚配埋黑松露炒蛋，非常夾，食完一大個早餐成日都非常滿足。朋友點左碟意粉當lunch 咁食，蕃茄大蝦意粉，估唔到大蝦有四大隻，我偷食左一隻好彈牙好好味，蕃茄汁亦都好濃郁，嚟過呢間餐廳幾次，每次都冇令到我失望，作為街坊都會繼續支持。