喜茶 (已結業)

喜茶的熱潮太厲害了，由深圳開到來到香港，依然係大排長龍，之前元朗分店開張時都想去湊熱鬧，但真係太多人排隊，放棄左。今晚食完晚飯經過K11分店，唔洗排隊，當然即刻衝入去試下。餐廳環境都頗有格調，店內仲有少量位置俾人坐底慢慢飲。芝芝桃桃這杯季節限定是剛剛新出，我同朋友都係第一次飲，大家都唔識，好在杯蓋上面有教點飲，上面一層係芝士奶蓋，芝士味超濃，非常creamy，而鮮果沙冰入面有大大粒水蜜桃果肉。MINI喜茶一套兩枝，MINI金玉+MINI桃，附送一個透明膠袋裝住，講到明係MINI，份量當然迷你，岩哂心大心細，想試多幾款的我，可以一次過試到兩款口味，一樽係桃沙冰，飲落亦係啖啖桃肉，另一樽就喜茶定制烏龍，清新鮮甜。總括來說唔算甜，甜度剛剛好。