慕茶 (已搬遷) 新店位置

難得週末放假約朋友出來high tea，朋友推介去工廠區，我都未去過就答應出去，便來到慕茶，2個人一起share食物，傾下計又幾好。慕茶精選小食 HKD108，用上雪糕筒放了些吞拿魚粟米沙律，都幾得意，還有薯角，都幾香幾惹味，最重要加了芝士粉，所以咁香。還有炸雞翼，又香又好食，最特別是配上蜜糖和抹茶醬，抹茶真的好香，點來吃一點都不會影響到食物的原有味道，超正。貴族伯爵茶窩夫繽紛樂園 HKD80，，可以配2款雪糕，普洱茶和綠茶，原來還跟了2個心型的貴族伯爵茶窩夫。窩夫都帶點伯爵茶味，腍腍地的口感，都可以。普洱茶雪糕味道都幾香，香得來似朱古力味道。另外綠茶味奶味較重，但都好食。下午茶前來這樣食感覺有點貴，但茶味雪糕真係好好味，餐廳環境又好舒服，和朋友2個人坐下傾計都幾好享受。