Cafe Hillywood (已結業)

今晚去睇完木球比賽後,行過佐敦,見到間cafe新開,一於同朋友仔試下!溫泉蛋煙肉蛋汁意粉 $108溫泉蛋煮得剛好，可以有流心效果，撈埋d闊條面，蛋味更加提升，不過個汁可以杰番d，因為宜家包唔住到d粉。煎三文魚扒配薯蓉 $188三文魚扒厚切，上面放左少少魚子醬，即刻升左級咁，四邊外面煎得微脆，入面包持粉嫩幼滑！唯一挑剔既係堆薯容，我鐘意超多牛油，因為宜家唔夠細滑，間唔時仲食到有薯仔粒。不過擺碟好精美,成個蜘蛛網咁,欣賞佢既用心。海膽本尊意粉 $168海膽意粉係店員推介，由於新西蘭地震，所以採用既係日本馬糞海膽，好豪邁，大大堆放在意粉頂端。個汁都特別鮮味，用黎配個粉岩曬！莓莓早安 $68係新鮮用D雜莓打出來,飲落好清新健康!白日夢維他 $68白日夢維他，開頭仲話人地無創意，沖出來應該都係維他奶咁既味。點知，係超好味，超濃味，最強雲尼拿味！呢間cafe有駐場音樂人表現,是晚係有位藝術家彈結他,雖然開頭好似tune結他有d嘈,後來tune好又特別寫意咁,邊食邊聊天邊聽音樂!