影片
更多
2017-08-14
896 瀏覽
一行五人去珀麗酒店食dinner buffet，book左6點半準時到，星期五晚都唔滿座，可能同地點有D吊腳有關。一坐低唔理三七二十一即刻去拎鱈場蟹腳食下先。凍海鮮鱈場蟹腳 : 連續食左大約20隻蟹腳，肉質唔錯但越食越鹹，餐廳都re-fill得幾快; 凍蝦 : 肉質唔錯，中等size; 麵包蟹 : 無食到，本身想食蟹蓋，不過俾人拎晒…藍青口 : 無食到; 魷魚圈 : 唔錯，幾好食; 凍波士頓龍蝦配芒果莎莎 : 每位客人可獲贈半隻波士頓龍蝦，但肉質較結實，慶幸味道都可以，反而個芒果莎莎幾好食~前菜小食龍蝦白酒啫喱 : 白酒啫喱裡面有一細舊龍蝦肉，啫喱上面有幾粒好似魚子既粒粒，食落口先知原來係黑醋，呢個配搭幾好，微微既黑醋唔會搶左白酒啫喱同龍蝦既味道，呢個真係幾好食同幾特別~牛油果鮮蝦多士 : 多士唔脆，反而個牛油果醬好滑好好味; 墨西哥龍蝦沙律 : 龍蝦沙律有龍蝦、沙律菜、松子、粟米、沙律醋，賣相幾好幾吸引; 刺身 : 有三文魚、吞拿魚、希靈魚，三文魚肥美，吞拿魚同希靈魚就不過不失; 巴馬火腿 :不過不失，另外可以配生果; 各式芝士 : 幾好味，另外可以配餅乾食; 熱盤巴馬臣芝士巨輪拌蟹
凍海鮮
鱈場蟹腳 : 連續食左大約20隻蟹腳，肉質唔錯但越食越鹹，餐廳都re-fill得幾快;
凍蝦 : 肉質唔錯，中等size;
麵包蟹 : 無食到，本身想食蟹蓋，不過俾人拎晒…
藍青口 : 無食到;
魷魚圈 : 唔錯，幾好食;
凍波士頓龍蝦配芒果莎莎 : 每位客人可獲贈半隻波士頓龍蝦，但肉質較結實，慶幸味道都可以，反而個芒果莎莎幾好食~
凍波士頓龍蝦配芒果莎莎
39 瀏覽
0 讚好
0 留言
前菜小食
龍蝦白酒啫喱 : 白酒啫喱裡面有一細舊龍蝦肉，啫喱上面有幾粒好似魚子既粒粒，食落口先知原來係黑醋，呢個配搭幾好，微微既黑醋唔會搶左白酒啫喱同龍蝦既味道，呢個真係幾好食同幾特別~
牛油果鮮蝦多士 : 多士唔脆，反而個牛油果醬好滑好好味;
墨西哥龍蝦沙律 : 龍蝦沙律有龍蝦、沙律菜、松子、粟米、沙律醋，賣相幾好幾吸引;
刺身 : 有三文魚、吞拿魚、希靈魚，三文魚肥美，吞拿魚同希靈魚就不過不失;
巴馬火腿 :不過不失，另外可以配生果;
各式芝士 : 幾好味，另外可以配餅乾食;
熱盤
巴馬臣芝士巨輪拌蟹肉龍蝦汁燴意大利飯 : 好好食，平時食buffet都唔會食飯，因為感覺上唔抵，不過呢個真係可以食，好好味~
蒜香炒雜菜 : 正常既炒雜菜;
慢煮蜜汁黑豚肉 :好淋，幾好食;
黑松露忌廉焗薯 : 普通
香煎龍利魚柳 : 幾好食
芝士龍蝦伊麵 : 龍蝦無咩肉，可能已經俾人夾晒
酥炸魷魚酥 : 唔油膩，幾好食
越式網紙春卷 : 唔油膩，幾好食
龍蝦意大利薄餅 : 幾好食
湯品 : 有兩款湯品，一款係中式湯，另一款係西式(名唔記得左啦，係蘑菇湯，幾好味既)
咖喱
咖喱角, 印度薄餅, 青咖喱牛腩, 巴東咖喱雞肉 : 無食到，不過都多人拎;
爐端燒
牛舌、豬肉串及魚餅 : 即場燒，不過我諗住最後先食，點知最後就只係得返魚餅，所以要食就快。
甜品
呢度D甜品雖然比較簡單，但都算幾多款式，有自助班戟﹑焦糖燉蛋﹑迷你泡芙﹑仿燕窩燉蛋白﹑香芋西米露﹑木糠布甸﹑芒果布甸﹑杏仁豆腐﹑新鮮水果同埋有六款味道既Movenpick雪糕，我覺得最好味係焦糖燉蛋﹑仿燕窩燉蛋白同Movenpick雪糕。
飲品
咖啡﹑紅茶﹑熱水 (另外有檸檬片可以自己加)
總括黎講，熱盤其實選擇唔多但味道唔錯，海鮮都有幾款俾你揀，最驚喜係有6款味道既Movenpick雪糕，以$288呢個價錢黎講已經唔錯，回本位係鱈場蟹腳同Movenpick雪糕!! 細心位係凍海鮮位隔離有個自動濕紙巾機，按一下就會碌一條消毒濕紙巾出黎，食完海鮮當然要抺下對手先可以食其他野啦，呢樣準備得好貼心。
聽聞香港店食物選擇較九龍店多，下次有機會都會去香港店試下。
22 瀏覽
0 讚好
0 留言
張貼
