一念素食

營業中

休息中

Item: 一念素食
Rating: 5
Author: pibulfoodie

Bijas Vegetarian Restaurant

55 食評

味道

環境

服務

衛生

抵食

3219

西環

$50以下

西式素食清真認證食品無肉餐單咪嘥嘢食店少鹽少糖食店

資訊:
餐廳:	一念素食

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

資訊:
餐廳:	一念素食

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

pibulfoodie

等級2

作為一個曾經多次喺香港大學內進食嘅一位食客，一念素食無疑係全個校園最好食嘅餐廳。一般而言，素食（或者話「食齋」啦）都俾人一種好寡淡無味嘅印象，但一念素食嘅「齋」卻一啲都唔 Dry，而且好美味，可以話係 HKU 學生嘅恩物。

環境與價格

一念素食同好多其它嘅齋舖好唔同，佢既定嘅落 Order 方式係自己夾然後按重量埋單，100克嘅食物大概 $17，但亦都有其他嘅套餐（例如係米線同下午茶套餐）供食客選擇。而因為有唔少嘅食物都比較多水份嘅關係價錢並唔算係好平，但勝在有無限嘅湯，且白飯任裝，所以無論食平啲食貴啲都可以保證你食飽飽。要注意嘅係而家由於疫情關係每次去裝飯畢湯嘅時候都要用新碗，夾嘢食嘅時候需要佩戴手套，可見呢間餐廳嘅細心之處。

服務質素

講到細心，一念素食嘅服務質素都有值得表揚嘅地方。你一定以為一間自助形式嘅餐廳無咩服務嘅質素可言啦，但咁就大錯特錯喇。嗰次去用餐嘅時候因為想欣賞下風景所以坐咗出面，但結果發現有好多蚊所以想坐返入去。當時餐廳嘅職員唔單止幫我哋手搬返啲嘢入餐廳，而且見我哋被蚊咬仲俾埋無比滴我哋查添！呢個位真係加爆分！

食物質素

講咗咁耐都未開始講食物。一念素食俾食客選擇嘅食物種類繁多，簡單之青菜豆腐、複雜至素肉丸同春卷都有，甚至有各種甜品比食客選擇。正如第一段所講，食物嘅味道真係好好，素肉嘅味道同真嘅肉類不相伯仲，且整體味道唔會太淡，亦都唔會太濃，恰到好處。雖然係自助嘅形式，但係食物嘅溫度亦都得到保持。係飯方面佢哋以紅米混合白米，使之更加有層次；至於湯，今次飲嘅冬瓜蘿蔔眉豆湯，味道非常之清甜，而且飲落口舒服，真係飲完一碗又一碗。雖然今餐以食齋黎講食得有啲貴，但係淨係個湯就已經值回票價！