Just Eat (已結業)

今日去大學聽個talk, 之前就去附近行下搵下野食。果頭都幾多野食，天氣熱，最後我地簡咗間越南野。餐廳裝飾都好光猛乾淨企理，有自然光照入餐廳，好舒服。佢食物種類都幾多，小食，湯麵，越式法包，小菜都有。濃味牛湯浸牛肉河佢份量幾多，仲要有唔少牛肉，個人幾鐘意佢個湯，飲落去好順口，飲得出無味精，值得一讚！越南香茅燒牛肉三文治幾推介呢個，本身唔係間間香港既越南餐廳有越南法包賣，佢既燒牛肉幾出色，牛肉係有香料醬汁醃好咗，食落甜甜地再燒完後香口咗，好食！菠蘿冰&青檸梳打菠蘿冰佢係菠蘿蓉再加袖子蜜，飲落唔係好甜。而青檸梳打佢青檸汁份量好夠，夠清爽，正。佢價值合理，員工服務幾好，一路食既期間都聽到有唔少叫外賣電話，有唔少街坊捧場呢！總括而言一間唔錯嘅小店。