影片
更多
2023-05-25
88 瀏覽
我地揀左去西貢既呢間cafe ，佢地仲有間分店係位於錦田，佢地食物CP值幾高😆，價錢同普通cafe差唔多，但佢地野食真係有驚喜，成餐飯食得好開心。我地都去完西貢去埋錦田分店見識下🤩如果想靚靚地打卡，錦田分店會更適合，裝備設計會更日式，有塌塌米地台座位同石春園景打卡，下次有機會會再到錦田分店再戰🙈。💁🏼♀️人均$100-200不等整體食物評價：★ ★ ★ ★ ★整體黎講主打輕食，每樣食物都有特色😝服務態度：★ ★ ★ ★ ☆服務員既態度都好nice好體貼。有靚仔服務員😎環境氣氛：★ ★ ★ ★ ☆環境裝修好舒服，以日系風格為主調。入去坐底飲杯野chill下都唔錯☺️🥯食物方面和牛吐司個牛真係不得了，真係冇誇大，佢一d都唔韌，然後再配埋吐司口感唔錯，吐司都唔會係好硬身，中間面包芯好軟熟。蟹肉薯仔沙律依個沙律有驚喜🤭，以為佢係普通出面食既沙律咁，點知一黎係好似雪糕球咁樣，賣相已經好得意，最特別佢個醬用左章魚小丸子果隻醬汁，成個味道都好正😂，酸酸甜甜再配埋蟹肉有少少咸，會令人想不斷食個薯蓉既感覺，唔會覺得食幾啖就好滯。烤比爾芝士烤吐司店主推介增肥之選🤣佢個芝士整得超靚，👩🏼有少少唔捨得食，我地係
💁🏼♀️人均$100-200不等
整體食物評價：★ ★ ★ ★ ★
整體黎講主打輕食，每樣食物都有特色😝
服務態度：★ ★ ★ ★ ☆
服務員既態度都好nice好體貼。有靚仔服務員😎
環境氣氛：★ ★ ★ ★ ☆
環境裝修好舒服，以日系風格為主調。入去坐底飲杯野chill下都唔錯☺️
🥯食物方面
和牛吐司
個牛真係不得了，真係冇誇大，佢一d都唔韌，然後再配埋吐司口感唔錯，吐司都唔會係好硬身，中間面包芯好軟熟。
蟹肉薯仔沙律
依個沙律有驚喜🤭，以為佢係普通出面食既沙律咁，點知一黎係好似雪糕球咁樣，賣相已經好得意，最特別佢個醬用左章魚小丸子果隻醬汁，成個味道都好正😂，酸酸甜甜再配埋蟹肉有少少咸，會令人想不斷食個薯蓉既感覺，唔會覺得食幾啖就好滯。
烤比爾芝士烤吐司
店主推介增肥之選🤣佢個芝士整得超靚，👩🏼有少少唔捨得食，我地係兩個人係食唔哂成個芝士既，因為真係太邪惡😂。個芝士一d都唔咸，好易入口，淡淡既芝士味就咁食都唔會覺得膩。同埋芝士整得好軟熟，一擦落吐司已經變左cream狀🤤。
雜莓pancake
甜度係屬於少甜，加埋d紅桑子藍莓就酸酸地，冇咁甜膩，食哂成個都冇問題！
☕️飲品方面，我地點左兩杯涷既飲品因為真係好熱🫠，兩杯野飲外觀都有幾層不規則漸層，打卡都好靚，佢地熱飲拉花都好靚好適合打卡😆
5.ice mocha coffee
佢地既mocha相對朱古力味比較重，但又唔會蓋過左咖啡味道balance得幾好，甜度上係岩岩好，偏唔甜😬
6.ice matcha latte
至於matcha latte要值得讚既位係佢地唔會飲到有一粒粒抹茶粉，出面有好多都會飲到🫠。而甜度上如果佢可以甜番少少🤏🏼，會更加好飲😆。
張貼
