肉餅哥小炒料理 (已結業)

近期大熱人氣爆燈的肉餅哥，終於可以一試了，早去唔洗排隊好lucky. 打開個menu, Wow!! 不得了，甘鬼多款，又有選擇困難症……四個女仔一人一個餐再share 食。梗係要揀個夠分量既足三兩花膠肉餅食下睇下又真係幾夠秤，補下骨膠原先，好黏好QQ，好想飲碗花膠湯潤下。原隻龍蝦肉餅，配左個米粉，圖文相附, 真係成隻龍蝦擺喺你面前，啖啖肉，好食。最有HOME FEELING 的金沙蛋黃肉餅配番個南瓜粥至LIKE的墨汁魷魚肉餅飯，煎的，唔好睇外表烏卒卒甘，同個肉餅最夾，煎得又香脆!無主家飯食，食下肉餅尋回家的味道，價錢尚算抵食，大大碟，食到你飽。