瘋鳥 (已結業)

星期一放假同朋友行街，行到肚餓見到呢間鋪頭個名好得意，於是入左去試下個午餐。餐牌好多選擇，有午餐（連飲品）、沙律、Pizza、甜品等等，價錢都好貼地。🍡夏威夷菠蘿雞沙律點餐之後好快黎左呢個沙律，有好多火箭菜同生菜，另外有提子乾同雞粒，加埋個芥末醬甜甜地幾好食。但有啲後悔冇叫到炸雞沙律，睇其他食評好吸引。🍡燒汁雜菌扁意大利粉星期一想食得green啲，呢個意粉就岩晒。食到有幾種唔同既菇，燒汁唔太濃，意粉質地唔錯，係清淡之選。🍡啤酒炸魚配美國薯條有兩大塊魚柳，炸得好香脆，薯條都係好脆好粗身果隻，配埋個他他醬食到停唔到口。🍡芒果燈沙冰好幼滑既沙冰，我覺得橙味突出小小。