Verde MAR (已搬遷) 新店位置

睇電視見到有個飲品叫Horchata，想試，開個 openrice app check，見 verde MAR 有，立即來試飲。入到去，有一刻感覺自己離開咗香港。Horchata：米漿加糖，自家口味加唔同果仁嘅凍飲，熱日炎炎，好味又消暑！朱古力飲：加咗肉桂同某啲香草嘅凍朱，又一杯消暑涼飲！招牌炸雞($99五件)：五件都係雞槌，味道 OK ，肉質軟硬適中，係有啲皮炸得比較硬咗少少。墨西哥鄉村蛋餅($98)：話係墨西哥經典早餐/早午餐，我又唔係墨西哥人，信佢咋。豆蓉味道有啲似芋泥。墨西哥蛋餅配料味道清新，少辣，略嫌個炸粟米薄餅同煎蛋太油。見餐牌有仙人掌食，未食過，侍應話似蘆薈，揾日再來試下。