影片
更多
2010-04-29
21 瀏覽
28-4-2010收工又捉了朋友出嚟食 dinner, 人在灣仔想食 pasta 又唔想太貴, 最後試試呢間雜貨店 x 餐廳. 叫了一人一湯, pasta 及熱飲, 再 share 兩份甜品, 食到飽飽的:-先嚟 soup of the day, 係 Tuscan onion soup, 份量好係大 湯底幾清, 仲有粒粒浸腍晒的麵包 飲落味道夠濃, 唔會好鹹, 洋蔥就十分腍身亦帶點甜, 幾好飲.Table bread 亦好食, 邊位算脆身, 中間就帶點 "croissant 心" feel, 軟軟的, 食落濃烈香草味, 少少油份, 就咁食或送洋蔥湯一樣好食.店員哥哥話 spaghetti with meatballs 係佢哋 specialty 之一, 主食就揀了呢個... tomato sauce 勁多, 好似帶點酒味, 但亦好「茄膏」及好酸, 唔算好喜歡; meatballs 就鬆軟又夠肉香, 仲帶點肉汁 (!), 幾好食; 而唔知是否茄膏太搶,「刨」(?) 定落去的芝士係無味道的, 感覺可有可無.朋友食 pasta of the day: 唔記得叫乜名, 但店員哥哥話
收工又捉了朋友出嚟食 dinner, 人在灣仔想食 pasta 又唔想太貴, 最後試試呢間雜貨店 x 餐廳. 叫了一人一湯, pasta 及熱飲, 再 share 兩份甜品, 食到飽飽的:-
先嚟 soup of the day, 係 Tuscan onion soup, 份量好係大 湯底幾清, 仲有粒粒浸腍晒的麵包 飲落味道夠濃, 唔會好鹹, 洋蔥就十分腍身亦帶點甜, 幾好飲.
Table bread 亦好食, 邊位算脆身, 中間就帶點 "croissant 心" feel, 軟軟的, 食落濃烈香草味, 少少油份, 就咁食或送洋蔥湯一樣好食.
店員哥哥話 spaghetti with meatballs 係佢哋 specialty 之一, 主食就揀了呢個... tomato sauce 勁多, 好似帶點酒味, 但亦好「茄膏」及好酸, 唔算好喜歡; meatballs 就鬆軟又夠肉香, 仲帶點肉汁 (!), 幾好食; 而唔知是否茄膏太搶,「刨」(?) 定落去的芝士係無味道的, 感覺可有可無.
朋友食 pasta of the day: 唔記得叫乜名, 但店員哥哥話用了 "oil" 及 "tuna egg", 應該係指 spaghetti alla bottarga? Spaghetti 尚算 al dente, 每一條都沾上了 olive oil 及(烘焙過的?)魚籽, 聞落幾香, 食落亦然, 無預期中的鹹, 不過幾油膩吓, 食食吓亦幾口乾, 個人唔算十分喜歡, 不過朋友就似乎幾欣賞.
飲品叫了 caffe latte, 面頭奶泡幾厚, 好鬆, 飲落奶香好似唔多夠, 咖啡 base 就好啃及好苦吓, 還是落糖吧; 旁邊的 biscotti 帶濃烈杏仁 (杏仁酒?) 味, 味道勁甜, 送苦咖啡不錯.
無試朋友的 hot chocolate, 賣相幾靚, 唔知掂唔掂?
甜品要了 (1) tiramisu, 喺般咸道分店買過覺得麻麻 (http://www.openrice.com/restaurant/commentdetail.htm?commentid=1943812), 但呢日的十分軟滑 creamy, 帶濃香咖啡味及 vanilla 味, 好食喎
而 (2) chocolate mousse 就如 QRE 間「廚房」(http://www.openrice.com/restaurant/commentdetail.htm?commentid=2027025) 的一樣又黏又濃密, 似 chocolate truffle 多 d 味道幾甜, 朱古力味香, 亦好似帶點橙味 (!?), 加埋薄脆香口的杏片, 其實幾好食, 不過實在好飽膩 @_@
坐了 1 樓, 環境幾「住家」feel, 感覺有點似去旅行住 host family 開餐, 幾舒服; 帶濃重意大利口音的店員哥哥雖然不斷「提議」我哋 order 樽裝 still water 「提議」得有點煩人, 但幾友善又 helpful, 服務都不錯的.
埋單每人約 $140, 食物唔貴又幾地道家庭 feel, 可以一試的.
張貼
