影片
更多
2012-05-29
182 瀏覽
見佢地嚮飲食雜誌賣廣告...除左食物, 另一吸引之處係交通方便舖面大, 而且設有多間VIP房可供預訂而不設最低消費喎!!!...再加上網絡食家對佢o既評價都吾錯, 所以今年我班o既周年紀念晚餐就決定選址哩度黎試下啦!!...早早就booked定12人貴賓房…私人空間足, 亦吾怕嘈親隔離…房間間設寬裕夠光猛兼設有平面電視, 我地由6:45pm開場食足3個鐘, 過左輕鬆又愉快o既一晚!!大圓桌面預設左三個火爐位放湯鍋…不過我地認為兩鍋夠晒數…湯底方面選擇左一個較貴價, 聽講有少少治頭痛頭風葯效o既川芎天麻魚頭湯, 特別在服務員會先來清燉上湯分俾我地每人品嚐一碗, 葯味吾重易接受, 反而係覺得頗咸...飲完佢地會再來大鍋色澤較混濁o既天麻魚頭濃湯作火鍋湯底用...顏色雖然吾多吸引但味道鮮濃, 吾錯架!!...另一個湯底就揀左個平凡大眾化口味: 薯仔蕃茄濃湯!!...裏頭仲有粟米添, 令湯底更甜...肚仔餓吾等得, 簡單叫左數樣可即食o既日本燒…醬燒粟米人人讚, 清甜多汁燒醬濃!!...串燒牛舌亦爽吾會韌, 串燒東菇稍為吾夠肥厚... 火鍋料方面首先推介係…手切肥牛肉(x2)...脂肪分佈平均
大圓桌面預設左三個火爐位放湯鍋…不過我地認為兩鍋夠晒數…湯底方面選擇左一個較貴價, 聽講有少少治頭痛頭風葯效o既川芎天麻魚頭湯, 特別在服務員會先來清燉上湯分俾我地每人品嚐一碗, 葯味吾重易接受, 反而係覺得頗咸...飲完佢地會再來大鍋色澤較混濁o既天麻魚頭濃湯作火鍋湯底用...顏色雖然吾多吸引但味道鮮濃, 吾錯架!!...另一個湯底就揀左個平凡大眾化口味: 薯仔蕃茄濃湯!!...裏頭仲有粟米添, 令湯底更甜...
肚仔餓吾等得, 簡單叫左數樣可即食o既日本燒…
醬燒粟米人人讚, 清甜多汁燒醬濃!!...串燒牛舌亦爽吾會韌, 串燒東菇稍為吾夠肥厚...
火鍋料方面首先推介係…
手切肥牛肉(x2)...脂肪分佈平均肉嫰夠味, 食得過呀!!...黑豚肉色靚味亦佳;
炸響鈴男女大小都愛食!!...
手打豬肉丸及手打墨魚丸兩者都味美...爽滑彈力足!!
鵝肝蝦丸(x2)...外層蝦丸同樣夠爽彈, 包著o既鵝膶味帶少少甘苦, 反而係佢獨特之處o羅!!...所以再加碼!!
白膳片薄薄數片近成百元, 但肉滑鮮味播~~
其他種類...
自家創餃子…好似雲吞咁, 不過加埋帶子肉, 鮮上鮮咁o羅但會拉低爽口度~~
韮菜餃子…包到脹卜卜夠豐富, 韮菜新鮮爽綠, 素食者定喜歡~~
鵝腸未夠肥!!...自己鍾意牛骨髓, 不過個個怕膽固醇高呀哈~~
同學仔愛炸芋頭…我就覺得淨食硬左D, 放湯又飽濟…
脆肉鯇魚片一般...
其餘叫左D清淡的如鮮枝竹、鮮雲耳、滑豆腐、生菜及芥蘭苗…
加埋白飯、汔水及甘庶汁…全單連加一服務費共銀HK$2,289.-
更要提提o既係服務員o既有禮態度, 誠懇有耐心…由電話訂座到即場服務都表現良好滿意!! 印象大好!!...值得一讚!!!...
張貼
