影片
更多
2006-01-14
15 瀏覽
再次解凍一個雪左三年幾的食評:講到"高級"意大利菜,眾女仕們,一聽到男友/男性朋友相約Sabatini,Toscana.未出發,先興奮.其實,位於尖東海景嘉福的The Mistral,一樣不遜前兩者.先講到環境,無前兩者般grand,個人黎講,意大利菜同法蘭西有別,照計前者應該casual一點.無法國菜般整色整水.唔會慢食你幾個鐘,更加唔使執到正一正,盛裝扮紳士.來到Mistral,當然要試下個Signature Dishes龍蝦意粉.麵條有咬口,龍蝦新鮮.仲有個醬汁濃度剛好.食完仲有隻碟送,全球咩咩意大利飲食協會成員,招牌菜之紀念品,The Mistral能成其中之一,一定有其過人之處.可惜,最後無囉到隻碟走.另外白松露牛膝,不時不食之選,撞著當造期.才有機會品嘗此少少幾塊"白鑽石".濃烈香味,停留在口腔內幾個鐘,陰魂不散.牛膝,肉質嫩滑,可惜比白鑽石搶盡風頭.論價錢,同樣比之前所講果兩間便宜,兩個人如果唔開酒的話,一千銀左右.如果撞正有信用咭promo之類,可能更平少許. 之前講到話意大利菜,理應casual.同女仔來談心,實屬有點難度,如果一大班人來gathering,那就絕無問
講到"高級"意大利菜,眾女仕們,一聽到男友/男性朋友相約Sabatini,Toscana.未出發,先興奮.其實,位於尖東海景嘉福的The Mistral,一樣不遜前兩者.
先講到環境,無前兩者般grand,個人黎講,意大利菜同法蘭西有別,照計前者應該casual一點.無法國菜般整色整水.唔會慢食你幾個鐘,更加唔使執到正一正,盛裝扮紳士.
來到Mistral,當然要試下個Signature Dishes龍蝦意粉.
麵條有咬口,龍蝦新鮮.仲有個醬汁濃度剛好.
食完仲有隻碟送,全球咩咩意大利飲食協會成員,招牌菜之紀念品,The Mistral能成其中之一,一定有其過人之處.可惜,最後無囉到隻碟走.
另外白松露牛膝,不時不食之選,撞著當造期.才有機會品嘗此少少幾塊"白鑽石".濃烈香味,停留在口腔內幾個鐘,陰魂不散.牛膝,肉質嫩滑,可惜比白鑽石搶盡風頭.
論價錢,同樣比之前所講果兩間便宜,兩個人如果唔開酒的話,一千銀左右.如果撞正有信用咭promo之類,可能更平少許.
之前講到話意大利菜,理應casual.同女仔來談心,實屬有點難度,如果一大班人來gathering,那就絕無問題.食得美式意菜多,偶爾升一次班,亦無不可.仲有,唔使特別dress-up,鄰近中國城華懋九反地,著咁靚幹麼?
後記: 三年幾後今天,不知而家變成點.
張貼
