影片
更多
2021-10-08
39 瀏覽
一到Weekend就好想去Chill Out~呢晚同朋友走左去Soho附近，試左呢間House on Peel，採用左不同的木質加石屎牆身，Raw得黎又幾有格調。《Wagyu $32、Naem Sour Pork Sausage $36》和牛串燒每件大大粒，肉質嫩滑多汁，唔沾醬油已經好好食，絕對可以再Encore！揀左一款帶點辛辣感的豬肉腸，燒得金黃芳香，肉碎混入軟骨，食落幾有口感。《Pineapple $32、Thai Tiger Prawn $88》平時麻麻地燒菠蘿，朋友想點就即管試下~估唔到又ok喎！微微焦香，香甜多汁，一啲酸味都無，好開胃好好食！虎蝦 $88有2隻，Size大得不用多說，味道鮮甜，肉質爽口。本身無乜過多調味，原汁原味已經好正。《Sriracha Chicken Wings $72》是拉差辣椒醬單骨雞翼，經典泰式風味，酸中帶有辣勁，口味有啲似再辣版既水牛城雞翼，每隻雞翼肉多嫩滑，食落好惹味。《Thai Basil Chicken Spaghetti $78》兩個人叫左small portion，不過份量都好夠~意粉有啲似彈牙版的linguine，配料有雞絲、蒜、羅
一到Weekend就好想去Chill Out~呢晚同朋友走左去Soho附近，試左呢間House on Peel，採用左不同的木質加石屎牆身，Raw得黎又幾有格調。
《Wagyu $32、Naem Sour Pork Sausage $36》
和牛串燒每件大大粒，肉質嫩滑多汁，唔沾醬油已經好好食，絕對可以再Encore！
揀左一款帶點辛辣感的豬肉腸，燒得金黃芳香，肉碎混入軟骨，食落幾有口感。
《Pineapple $32、Thai Tiger Prawn $88》
平時麻麻地燒菠蘿，朋友想點就即管試下~估唔到又ok喎！微微焦香，香甜多汁，一啲酸味都無，好開胃好好食！
虎蝦 $88有2隻，Size大得不用多說，味道鮮甜，肉質爽口。本身無乜過多調味，原汁原味已經好正。
《Sriracha Chicken Wings $72》
是拉差辣椒醬單骨雞翼，經典泰式風味，酸中帶有辣勁，口味有啲似再辣版既水牛城雞翼，每隻雞翼肉多嫩滑，食落好惹味。
《Thai Basil Chicken Spaghetti $78》
兩個人叫左small portion，不過份量都好夠~意粉有啲似彈牙版的linguine，配料有雞絲、蒜、羅勒、三色椒，帶點微辣的調味，唔算好濃，食到羅勒嗰種獨特清新感。
《The Crying Tiger Steak $228》
8oz 安格斯肉眼扒，周邊位比較軟腍，中間呈微微粉嫩，幾有口感而且算Juicy。配上自家制Thai dipping sauce，香辣惹味，比較有趣既係佢地亦有附送紫薑，酸酸甜甜，開胃之餘，同牛扒出奇地夾。
張貼
