Hygge

營業中

休息中

平日晚上嘅將軍澳海旁，鄰近地鐵站12分鐘路程嘅海天晉滙商場人流少，基本上唔使訂枱，揀咗Hygge餐廳。-餐廳設計以木色為主調，環境光線充足，座位少，入座率10%，餐牌選擇唔多，有唔同種類芝士菜式，適合芝士愛好者。另有酒水提供。-意式風乾豬臉頰薄餅 Pizza Italian Soul $178餡料充足，豬臉頰偏鹹香，略油，第一次食Artichoke，味道微酸，整體味道層次豐富，略鹹，適合配酒。金文畢烤豬肉卷薄餅 Pizza porchetta & camembert $188餡料單一，味道較意式風乾豬臉頰薄餅淡，金文畢芝士份量多，友人鍾意。-薄餅統一10吋，薄餅邊位厚，麵粉團極香，有咬口，趁熱食凍咗會偏硬，整體幾好。-水牛城雞翼配自家製藍芝士醬 Buffalo Wings $118單骨雞翼八隻，即為雞翼四隻，配西芹，藍芝士醬份量多，友人唔鍾意，性價比低。-整體而言，店員少，勤力，留意客人需要，斟水頻密，性價比一般，適合休閒傾偈嘅聚會。-題外話，Hygge係寵物友善餐廳。