kikusan (已結業)

以前在灣仔開工，為追求美食我和同事都會花少少交通時間坐叮叮去銅鑼灣揾食，因為餐廳選擇多、消費比灣仔抵，呢間係我在CWB最喜愛的餐廳之一，每週光顧一次或以上，餐廳空間感好坐得舒適，食物很好，午巿套餐在$100左右，套餐有前菜選擇，中華點心兩件(蝦餃同小籠包)，或沙律，仲跟杯柚子蜜，好味抵食。幾款我較喜愛的套餐主食: 炸雞親子丼，炸千層豬扒擔擔麫，温泉蛋牛舌粒飯，温泉蛋辣雞肉碎飯，水餃擔擔麫，壽司六件(男生唔夠飽)，另點小食牛油果豆腐都唔錯。前菜兩件點心好食(早前3件)，波菜皮蝦餃皮薄滿滿脆口蝦仁，小籠包皮也夠薄，多肉汁帶甜，炸雞親子丼，炸雞件入味香脆蛋滑溜，大量葱花啱我，炸千層豬扒擔擔麫，湯底看似濃郁，飲落普通，唔到傅統擔擔麫水平，唔夠辣，炸千層豬扒好食，如果可以分開唔浸湯另上就加分，其餘兩款溫泉蛋飯，呢隻流心蛋真係碟飯的靈魂所在。餐廳環境加上食物水準，人均$100午餐，我會繼續光顧同推介此店。