珍妮曲奇 (已結業)

我記得第一次認識珍妮曲奇係姊姊ge同事買左盒細8mix比佢，真係好濃牛油香味...全家人都好中意食，見咁好味所以就決定自己去買！之前睇食評好似話珍妮曲奇開埋哂D好up dup ge商場仔入面，所以未出發之前都驚自己要搵好耐...點知原來超易就搵到，B1出口過條馬路對面就係架喇！食哂都唔驚lu，因為知道係邊到買，喪食都得喇！入番正題講番D曲奇先...我今次買左細4mix、大8mix同鳳梨卷每樣各一。鳳梨卷真係好好味呀，個皮好鬆化，入面D菠蘿餡好有果肉ge味道，整體黎講又唔會太甜wor，味道剛剛好，一個字......「正」呀！至於4mix，一打開個罐就好濃牛油味，比起8mix果仁個D仲香！最中意唧花個兩隻，尤其是咖啡味，真係好鬆化架，唔洗點咬就係個口到化開哂，另外ge牛油酥餅同燕麥提子都唔錯，一樣咁好食！D餅排得好整齊，一塊貼一塊，唔知佢點樣放入個靚靚ge罐入面架呢...所以真係要好小心咁拎出黎呀，因為一唔小心就會整碎左D咁鬆化ge曲奇架喇...哈哈！！