Oyster 18 (已結業)

小時候住係天后，那時的天后仲未成為食街。闊別20年，我同老公剛係澳洲回流番香港，更因為情意結住番係天后，估唔到今日的天后已經變成知名的食街!上星期五晚搬完屋執拾妥當，已經成10點幾，行落街諗住食個宵夜，行下行下行左去清風街，見到一間裝修得幾靚的餐廳，係門口睇下餐牌，完來係以食生蠔為主打的餐廳。我同老公最鍾意食生蠔，係澳洲時經常兩打兩打咁買番屋企嘆。睇睇下餐牌入面的職員行出黎介紹佢地的精選生蠔，話而家法國同愛爾蘭的蠔最當造，於是我同老公就入去試下。由於係食宵夜的關係，我地每人點左4隻蠔，由經理介紹。我地係澳洲通常都去Fish Market買生蠔番屋企食，而澳洲的蠔海水味較為濃。今次試的4款蠔 (名稱已忘記了，只係記得其中一款叫Gillardeau)，都比食開的澳洲蠔大隻，食落脆口，味道亦較濃，而且非常新鮮，好好味 而我地亦叫左兩杯Sauvignon Blanc白酒，配呢種生蠔至正!跟住我地就叫左一個pasta 同一份羊架share食，兩個主菜都做得好好，食得出用的係貴價材料估唔到係天后都有間咁有質素的oyster bar，啱晒我同老公呢d蠔癡